ОБЗЕРВ Консалтингийн харилцагчид ISO 22000 стандарт буюу ХАБМТ-ыг хэдийн сайн мэддэг болсон билээ. Олон ч харилцагчид маань манай байгууллагаас зөвлөх үйлчилгээ авч баталгаажилтын аудитанд амжилттай орж гэрчилгээгээ гардан авсан. Өмнөх нийтлэлүүдээр ихэвчлэн дээрх стандартын талаар дурдаж байсан бол энэ удаа "хавьгүй залуу" стандарт (схем) болох FSSC 22000 талаар товч тайлбарыг та бүхэнд хүргэж байна. Уг стандарт нь ISO 22000 стандартын шаардлагууд, УНБХ болон бусад нэмэлт шаардлагуудыг багтаасан байдгаараа илүү онцлог, шинэлэг, өргөн хамрах хүрээтэй юм. Сүүлийн жилүүдэд хүнс хамгаалал, хүнсний луйвар зэрэг асуудлууд хүчтэй анхаарлын төвд орж эхэлсэн бөгөөд FSSC 22000 стандарт эдгээрийг хянах боломжтой болгосноор үйлдвэрлэгчдэд маш том давуу талыг олгож байна.